Nuk i lejojnë të shesin buzë detit, tregtarët ambulantë protestojnë para Bashkisë së Durrësit

Në nisje të këtij sezoni turistik, tregtarët ambulantë që shesin në vijën bregdetare të Durrësit nuk janë lejuar nga Policia Bashkiake të ushtrojnë aktivitetin e tyre. Qindra tregtarë e kanë të vetmen mënyrë jetese shitjen e produkteve në zonat bregdetare.

Për këtë arsye ata kanë dal para Bashkisë duke protestuar. Sipas pushtetit vendor, ata nuk lejohen të tregtojnë pa paguar taksat. Shitësit e kundërshtojnë këtë vendim dhe janë mbledhur mëngjesin e sotëm për të protestuar. Tregtarët kërkojnë që Bashkia e Durrësit të tërhiqet nga vendimi dhe t’i lejojë të shesin sërish.