I nxehti afrikan ka nisur të sjellë shqetësimet e para në rradhët e njerëzve.
E njëjta gjë i ka ndodhur dhe një vajze të re në Romë.
Duke mos duruar vapën dhe temperaturat e larta, ajo ka hequr të gjitha rrobat duke u futur e zhveshur në një shatërvan pranë parlamentit.
Si pasojë e pamjeve, kalimtarët dhe punonjësit e rendit janë shokuar.
Vajza bëri disa xhiro e zhveshur rreth shatërvanit Piazza Colonna, pranë parlamentit italian në Romë, para se të dëbohej nga policia. Pas vërejtjes së oficerëve, e reja mbledh rrobat dhe me buzëqeshje ndaj policëve nis të vishet.
Pamjet u xhiruan gjithashtu edhe nga turistët, teksa vajza e zhveshur hyn e del duke u freskuar në ujin e shatërvanit, vetëm disa metra larg zyrës së kryeministrit në Palazzo Chigi.
Mediat lokale raportonin se gruaja e paidentifikuar ishte një turiste dhe ishte ankuar më herët për valën e të nxehtit që ka përfshirë qytetin. Për të arritur qëllimin e saj ajo kapërceu disa barriera të vendosura nga policia ndërsa dëshmitarët thanë se zhytja e saj ishte pjesë e një loje guximi që po zhvillonte me shokët.