LIGJET E BIZNESIT
Qytetarë të shumtë në Fier sot kanë mbajtur një protestë në shenjë përkujtimi dhe revolte ndaj aksidentit në Vlorë, ku ndërruan jetë katër anëtarët e familjes Gushi, prindërit dhe dy vajzat e mitura.
Të vesehur me bluza të zeza dhe me fotografitë e viktimave, familjarët kërkuan drejtësi për të dashurit e tyre.
Në fjalën e saj përpara kamerave e ëma e 33-vjeçares Silvana Gushi që ndërroi jetë në aksident, u shpreh se nuk kërkon hakmarrje por vetëm drejtësi dhe dënimin e personit që shkaktoi aksidentin.
“Unë nuk dua më t’i pres më ata. Të më trokiste në dorë dhe të kërkonte falje. Ai do më vinte mua, po unë nuk do ja prisja kokën se nuk jam hakmarrëse. Dua vetëm të vendoset drejtësi, të shkojë në burg të vuaj dënimin. Më mori dhëndrin 44-vjeç, më mori vajzën 33-vjeç dhe më mori mbesat 14 dhe 9 vjeç”, tha e ëma e të ndjerës Silvana Gushi.
Gjithashtu edhe daja i Silvana Gushit apeloi për drejtësi, duke theksuar se kërkesa e vetme e tyre është dënimi i personit që shkaktoi aksidentin dhe jo hasmëria.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Ne jemi njerëz të thjeshtë dhe kërkojmë vetëm drejtësi nuk kërkojmë hakmarrje. Babai i atij djalit duhet të na dilte ballë për ballë, të na trokiste në derë. Kërkojmë drejtësi nga policia dhe drejtësi nga gjykata për të mos i manipuluar provat. Duam të futet në burg ai që na mori 4 anëtarë të familjes, Drejtësia duhet të veprojë ashtu siç i takon ligji. Ne jemi njerëz që duam drejtësi dhe nuk duam hasmëri”, përfundoi daja.
Krahas familjarëve në qendër të qytetit të Fierit u mblodhën në shenjë solidarizimi edhe qytetarë të zakonshëm të cilët përkujtuan viktimat dhe shprehën indinjatën e tyre përmes pankartave.
“Kemi frikë të dalim nga shtëpia” shkruhej në njërën nga pankartat që mbahej në dorë nga një fëmijë i vogël.
