LIGJET E BIZNESIT
Avokat Spartak Ngjela deklaroi se në PD dhe në PS nuk ka garë dhe zgjedhje për kryetar, pasi sipas tij, ato kanë shmangur Kongresin.
I ftuar në emisionin “Breaking” në Top News, Ngjela theksoi se si Rama dhe Basha e përjashtuan kongresin për zgjedhjen e kryetarit, pasi aty do të humbin, se nuk i kontrollon dot, ndërsa u shpreh se PD nuk ekziston si parti.
“Ku ka Parti Demokratike. Partia është e Saliut. Ajo është pronë individuale e tij, si partia e Enver Hoxhës, vetëm se ai eliminonte me vrasje me armë, ky e eliminonte me mënyra të tjera. Cilat parti aman?”, tha Ngjela.
Avokati i njohur më tej theksoi se Basha nuk është një burrë shteti edhe se është i kapur nga Berisha dhe se deklaratat e tij se një herë i fitoi zgjedhjet dhe më pasi ia vodhën, tregon se ai nuk është një burrë shteti.
“Çfarë tregoi me këtë qëndrim, se nuk është burrë shteti? Nuk jep dorëheqjen. Ai është më procese penale në SHBA. Ai (Berisha) i ka hipur trenit të skëterrës nuk e shikon që po shkojë atje. Berisha është padroni i tij, është shpallur Non-grata. Ku do të shkojë? Ku do të vejë? Ai nuk ka sistemin e mbrojtjes të nenit 2, pikës dy të Dekriminalizimit që e kanë miratuar vetë dhe nuk e lejon atë jetë në Parlament. Reforma në drejtësi i kap ato. Ku ka Parti Demokratike. Partia është e Saliut. Ajo është pronë individuale e tij, si partia e Enver Hoxhës, vetëm se ai eliminonte me vrasje me armë, ky e eliminonte me mënyra të tjera. Cilat parti aman? Basha nuk shkëputet nga Berisha, ai e ka emëruar atë. Po i qëndrojmë mendimin tim se është pronë e Berishës, Po të ishte si Andreotti edhe shkëputej, ku ka potencë Basha ziu të shkëputet. Ai është mediokër, nuk ka vlerën e një burri shteti, të bëjë intriga në kuptimin politik, të marrë dhe të udhëheqë ca njerëz. Është në ngërç në marrëdhënie me Amerikën, e ke provën ambasadorja amerikane nuk e takoi atë, por kandidatët, ky ishte mesazhi”, tha Ngjela./shqip
