Ngjarjet e rënda në vend/ Çuçi paralajmëron konferencë për shtyp, çfarë ndryshimesh priten?

Ministri i Brendshëm, Blendi Çuçi do të zhvillojë një konferencë për mediat në orën 11:00. Mësohet se konferenca ka lidhje me masat e fundit që ministria ka marrë pas një sërë ngjarjesh që tronditën vendin, ku u vranë 4 shtetas në Velipojë të Shkodrës.

Pas ngjarjeve të rënda, kryeministri i vendit Edi Rama thirri me urgjencë Çuçin në Vlorë për të bërë një organizim të policisë së shtetit.

Ristrukturimi i policisë së shtetit u paralajmërua nga kreu i qeverisë Rama, duke nënkuptuar ndryshime rrënjësore në policinë e shtetit. Nuk dihet ende nëse do të ketë ndonjë largim të vetë ministrit, apo nëse ai do të bëjë një prezantim të ristrukturimit të policisë së shtetit.