Në zonën “VIP” të burgut grek/ Si e kaloi natën piloti 32-vjeçar që mbyti gruan e re

Babis Anagnostopoulos, piloti 32-vjeçar që vrau gruan e tij britanike, natën e parë në burg e kaloi i qetë.

Paraprakisht ai po mbahet në burgun Korydallos, pas vendimit të një dite më parë të gjykatës. Sipas mediave vendase, bëhet me dije se ai hyri në qeli rreth orës 21.30 dhe nuk kërkoi asgjë. Paraditen e kësaj të mërkure, ai do të ketë një takim me drejtoreshën e burgut.

32-vjeçari po mbahet në një zonë të veçantë në të cilën ndodhen edhe të burgosurit e tjerë, të njohur për opinionin publik grek, pasi autoritetet kanë shprehur frikën për sigurinë e tij.

Mediat e huaja shkruajnë po ashtu se zona 6-të, ku po qëndron Babis që konsiderohet si “VIP”, e qetë është edhe e sigurisë më të lartë.