“Në thonjtë e saj u zbulua… “/ Ekzekutimi i 20-vjeçares në Greqi mbetet ende mister 

Të tjera detaje janë zbardhur nga ngjarja e rëndë që tronditi Greqinë para pak javësh nga ku mbeti e vrarë 20-vjeçarja Caroline. Mediat greke shkruajnë se raundi i parë i analizave të ADN-së ka përfunduar pa asnjë rezultat, kjo pasi në thonjtë e viktimës nuk është gjetur asnjë gjurmë ADN-je.

Po ashtu, edhe kamerat e sigurisë nuk kanë arritur të gjejnë asnjë automjet me të cilin mund të jenë arratisur autorët.

Jo vetëm kaq, dhe shenjat e gishtave të pilotit të gjetura në shiritin izolues janë të justifikuara, pasi sikurse ai vetë ka deklaruar, autorët nuk kanë patur shirit me vete dhe ua kishte dhënë ai atyre.

Ndodhur në këo kushtem, policia është rikthyer edhe njëherë në vendin e ngjarjes për të zbuluar më shumë në lidhje me këtë ngjarje të rëndë e cila është plot mister.

Përmendim faktin se ka dyshime që bashkëshorti i 20-vjeçares së ndjerë mund të ketë ndihmuar autorët. Mediat greke shkruajnë se ka detaje që tregojnë se mes autorëve dhe pilotit ka njohje.