Ndodh në Tiranë/ I riu konfliktohet me disa persona, por inatin ia nxjerr policisë

Një ngjarje e pazakontë është ajo që ka ndodhur sot në Tiranë.

Mësohet se një 31-vjeçar problematik ka rënë në prangat e policisë, pas një konflikti me disa persona të tjerë.

Ndërkohë që efektivët mbërritën në vendngjarje në tentativë për ta arrestuar, ai i ka kundërshtuar me dhunë por më pas është dërguar për në komisariat.

Gjithashtu policia  ka arrestuar edhe dy persona të tjerë për vepra të ndryshme penale, një sepse drejtonte mjetin pa patentë dhe një tjetër pasi ka përplasur një shtetas me motorr, duke e bërë për spital si pasojë e plagëve të marra.

NJOFTIMI ZYRTAR I POLICISE

Arrestohen në flagrancë 3 shtetas, për vepra të ndryshme penale.

Specialistët për Hetimin e Krimit në Komisariatin e Policisë Nr.4 bënë arrestimin në flagrancë të shtetasit A. B., 31 vjeç, në rrugën “Kujtim Laro”, gjatë një konflikti me disa shtetas të tjerë, ky shtetas ka kundërshtuar me dhunë punonjësin e policisë së rendit publik, për të shmangur shoqërimin e tij.

Specialistët e Qarkullimit Rrugor bënë arrestimin në flagrancë të shtetasve:

1. Ç., 26 vjeç, pasi u kap duke drejtuar mjetin pa lejen përkatëse;
2. P., 26 vjeç, pasi ka përplasur motomjetin me drejtues Z. L., i cili ndodhet në spital, nën kujdesin e mjekëve.

Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme.