Ndërtimet pa leje/ “Janë shqiptarë, jo serb”, Lapaj ia thotë në sy zv.ministrit: Merreni me ata që sigurojnë bukën e fëmijëve

Debati për ndërtimet pa leje ka acaruar avokatin Adriatik Lapaj, i cili ka debatuar ashpër me zv ministrin e brendshëm Julian Hodaj në Open.

Lapaj tha se patjetër që ndërtimet pa leje duhen prishur, por kjo nuk është koha e duhur sipas tij, pasi sipas tij është fushatë politike.

Ndërkohë ai shtoi se qeveria po ‘i bie në qafë’ njerëzve të gabuar.

Lapaj: Shqiptarë janë ata, nuk janë serb , shkoni prisni ato në Jalë, pse merreni me këto, prishni oligarkët, po shkoni tek ata qe sigurojnë bukën e fëmijëve.

Muhabet koti tani, unë e njoh gjënë, nuk ishte urgjencë për ta bërë tani, por fakti që këto mblidhen dhe bëhet fushatë me to tregojnë që ka qëllim politik. Të gjitha që keni prish në Ksamil një vit më parë ishte me leje, ta them me përgjegjësi të plotë këtë.