LIGJET E BIZNESIT
Policia e Shtetit ka ndërrmarrë aksione të shumta të spastrimit të plazheve nga shezlongët në të gjithë vijën bregdetare të vendit, një ditë pas ultimatumit që dha kryeministri Edi Rama.
Ka patur përplasje të efektivëve jo vetëm më pronarët e shezlongëve por dhe me qytetarët të cilët kishin paguar për shërbimin e marrë.
Së fundmi, një konflikt është shënuar mes pronares së një hoteli dhe uniformave blu në Velipojë ku po vazhdon aksioni për spastrimin e vijës bregdetare nga personat që siç raportohet e kanë zaptuar ilegalisht.
Në videon e mëposhtme, shihet një përplasje mes pronares së hotelit dhe policisë. Pronarja e hotelit ka kërkuar që të lirohen hapësirat publike përpara hotelit të saj, ndërsa policia ka thënë se po bën vetëm atë që i është kërkuar në vendet e përcaktuara.
“Jam qytetare amerikane unë nuk duhet me ma ngrit zonin se thirra direkt ambasadën. Ju keni liru hapësira të tjera, mua më duhet të lironi hapësirën që është përballë hotelit tim të certifikuar”- ka thënë ndër të tjera pronarja e hotelit.
