Ministrja tha “kanë shkëlqyer”, dyfishohet numri i ngelësave në gjuhën e huaj për maturantët, shumë pak nota 10

Ditën e sotme, ministrja e Arsimit, Rinisë dhe Sporteve, Evis Kushi tha se një numër i konsiderueshëm maturantësh kanë shkëlqyer në testin e gjuhës së huaj. Por nga rezultatet e publikuara figuron krejt e kundërta.

Nga rezultatet e publikuara rezulton se 10-n absolute e kanë marrë vetëm 36 maturantë nga 32.583 që u testuan për njohuritë e tyre. Mbetësa që kanë marrë 4 deri në 4.49 pa mundur të kapin një notë kaluese janë 2199 maturantë, gati dyfish më shumë se sa në 2020, ku mbetësa ishin 1232 maturantë.

Nga nota 4 deri në 4.99 ku përfshihet nota 5 janë 4160 maturantë. Nga nota 5 deri në 5.99 ku përfshihet edhe nota 6 janë 4341 maturantë.

Nga nota 6 deri në 6.99 ku përfshihet edhe nota 7 janë 6023 maturantë.

Nga nota 7 deri në 7.99 ku përfshihet edhe nota 8 janë 5241 maturantë.

Nga nota 8 deri në 8.99 ku përfshihet edhe nota 9 janë 4373 maturantë.

Nga nota 9 deri në 9.99 ku përfshihet edhe nota 10 janë 8445 maturanë.  Notë 10 absolute e kanë marrë vetëm 36 maturantë.

Klikoni këtu për të parë rezultatet

Studentët e cilësojnë provimin e sivjetshëm si më të vështirin ndër vite. Nëse do të bënim një krahasim me 2019 dhe 2020, shifrat janë këto:

Matura 2021

Me note 10.00 – 36 maturante

Me note 4.00 (mbetes) – 2,199 maturante

Matura 2020

Me note 10.00 – 182 maturante

Me note 4.00 (mbetes) – 1,232 maturante

Matura 2019

Me note 10.00 – 63 maturante

Me note 4.00 – 1,154 maturante