Më në fund/ Meterologia e njohur jep lajme të mira: Ja kthesa e madhe që do të marrë koha

Meteorologia e njohur Lajda Porja ka parashikuar sot se vala e të nxehtit afrikan do të marrë fund sot.

Sipas saj, të paktën deri më 6 korrik, do të ketë një ulje relativisht të lehtë të temperaturave.

Porja shprehet se temperaturat më të larta këtë të mërkurë do të regjistrohen në qarkun e Beratit, ku termometri do të shënojë mbi 40 gradë.

Gjithashtu ajo tha se temperaturat në ditët në vijim do të variojnë nga 35 deri në 38 gradë.

“Në fakt siç e theksuam qershori do të mbyllet me temperatura të larta, do të kemi temperatura deri në 40 gradë. Qarku i Beratit do e kalojë këtë vlerë. Do të jenë temperaturat më të larta, sepse korriku do të na leje të marrim frymë. Kjo temperaturë do të tërhiqet gradualisht. Në Maqedoninë e Veriut dhe Greqi pritet temperatura mbi 42 gradë. Ndërsa në Shqipëri do të jetë dita e fundit me këto temperatura.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Do të ketë rënie me 2- 3 gradë në mëngjes, dhe 1- 2 gradë në darkë. Termometri do të zbresë deri në 32-33 gradë deri më datë 6 korrik. Muaji korrik parashikohet me temperatura 33- 35 gradë, do të kemi shkëputje që do të kemi temperatura mbi 38 gradë. E gjithë vija bregdetare do të jetë e favorshme sepse temperaturat nuk do të jenë mbi 42 gradë siç janë regjistruar në fund të qershorit”, tha Lajda Porja.