Babis Anagnostopoulos, autori i vrasjes së gruas së tij 20-vjeçare, është në pritje të daljes përpara trupit gjykues. 32-vjeçari pranoi krimin pas ballafaqimit me të gjithë provat që i vuri përpara policia greke.
Ai së fundmi është penduar dhe pritet të kërkojë falje, një vendim që ngre dyshme reale nëse vërtët ndihet fajtor apo kërkon ulje të dënimit.
Por sa vite burg rrezikon piloti grek?
Sipas ndjekjes penale që është ngritur kundër tij, piloti 32-vjeçar akuzohet për dy krime dhe dy kundërvajtje dhe dënimet e parashikuara nga Kodi Penal për krimet specifike janë këto:
– Për krimin e vrasjes me dashje të kryer në një gjendje të qetë mendore, dënohet me burgim të përjetshëm ose me burgim të përkohshëm të paktën dhjetë vjet”.
– Për krimin e vrasjes parashikohet dënimi me burgim deri në 10 vjet.
– Për kundërvajtjen e akuzës së rreme sepse bëri të dyshuar të tjerë, do të dënohet me burgim deri në një vit ose një gjobë.
– Së fundmi, për kundërvajtjen e depozitimit të rremë të vazhdueshëm në autoritete, do të dënohet me burgim në të paktën tre muaj deri në tre vjet dhe një gjobë.
Në total nëse Babis Anagnostopoulos do të dënohet me së paku 30 vite burg ose në rastin e tij me të keq do të kalojë gjithë jetën e tij në burg. Vendimi i gjykatës pritet brenda këtyre ditëve pas shqyrtimit të të gjithë ngjarjes.