Mbyllet protesta për sot, maturantët rikthehen sërish nesër në orën 17:00

Protesta e maturantëve u mbyll për sot, por ata njoftuan se do të rikthehen sërish nesër në orën 17:00.

Prej dy ditësh ata protestojnë për mënyrën se si u zhvillua provimi i Matematikës.

Maturantët thonë se pyetjet e provimit nuk ishin të hartuara në përputhje me programin mësimor dhe kërkojnë që të ulet pragu i pikëve.

“Protestojmë për një kauzë. Provimi ishte përtej pritshmërive. Kërkesa jonë është ulja e pikëve dhe ndryshimi i llogaritjes së pikëve. QSHA dhe Ministria të na japë një zgjidhje”, u shprehën më herët maturantët.