Mbërrijnë në Rinas 11,700 vaksina Pfizer kundër virusit/ Kryeministri: Në total mbi 967 mijë

Mbërrijnë në aeroportin “Nënë Tereza” në Rinas 11,700 vaksina Pfizer. Lajmi u bë me dije  nga kryeministri Edi Rama, i cili shkruan në Facebook se numri total i vaksinave të mbërritura në vend ka shkuar në mbi 967 mijë

“Aeroporti “Nënë Tereza” – 11,700 vaksina Pfizer sapo kanë mbërritur në Shqipëri, duke kaluar mbi 967 mijë sasinë e vaksinave të mbërritura deri tani”, shkruan Rama.

Kjo është ngarkesa e dytë me vaksina kundër virusit të rrezikshëm që mbërriti sot në vend, ku paradite erdhën 20 mijë doza të AstraZeneca, dhuratë e qeverisë së Greqisë.

Deri tani në vendin tonë gjithsej janë kryer 836,430 doza, prej tyre 332,173 qytetarë i kanë marrë të dyja dozat e vaksinës ndaj koronavirusit.

Ndërkohë, pandemia në vendin tonë duket se po shkon drejt fundit, ku në 24 orët e fundit u regjistruan vetëm 2 raste të reja infeksioni dhe asnjë viktimë.