LIGJET E BIZNESIT
Të tjera detaje kanë dalë në dritë nga krimi që tronditi Greqinë. Bëhet fjalë për vrasjen tragjike të 20-vjeçares, Caroline Crouch, nga disa grabitës të maskuar.
Sipas mediave greke, bëhet me dije se policia ka marrë me urgjencë me helikopter bashkëshortin e të ndjerës, për të dhënë dëshmi të reja.
Raportohet po ashtu se policia ka siguruar të dhëna të reja nga kamerat e sigurisë dhe kërkon që të bëhen verifikime nëpërmjet dëshmisë së bashkëshortit, i cili ishte edhe dëshmitari i vetëm në ngjarjen tronditëse.
Piloti 32-vjeçar ka qenë në varrin e gruas, pasi po zhvillohej një ceremoni përkujtimore, në momëntin që papritur disa policë kanë mbërritur dhe e kanë marrë atë me helikopter.
Pasi ka mbaruar ceremonia në varrin e të resë, dy efektivë i janë afruar Babis Anagnostopulos dhe i kanë thënë që ai duhej t’i ndiqte ata pasi kanë dalë të tjera informacione për vrasjen e gruas së tij.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Mediat e huaja shkruajnë se ka një moskoherencë në dëshminë e bashkëshortit të viktimës.
Kamerat e sigurisë që ishin të instaluara në shtëpi, tregojnë atë pak orë para natës fatale duke qëndruar me foshnjën në katin e parë të shtëpisë, ndërsa, gjithashtu thuhet se dhe ora e kamerës së sigurisë është ndryshuar.
Në momentin që ndodhi krimi, në të, paraqiten regjistrime të tjera, nga ajo çka po ndodhte në të vërtetë.
Po ashtu, 20-vjeçarja Caroline, mbante në duar një orë që i regjistronte pulsin. Mirëpo, gjatë grabitjes dyshohet se ajo nuk ka funksionuar.
