Kri mi në Greqi/ Autorët e ngjarjes kërkohen në Shqipëri, Bullgari dhe Rumani

Autorët e grabitjes në Glyka Nera po kërkohen në Shqipëri, Bullgari dhe Rumani. Protothema shkruan se policia në Greqi ka kontaktuar ambasadat e tre vendeve specifike, në mënyrë që të lehtësojë procedurat, si dhe të anashkalojë burokracinë dhe të kontrollojë menjëherë të dyshuarit.

Të dhënat futen në raundin e dytë të hetimeve të Sigurisë së Atikës pasi piloti 32-vjeçe  nuk arriti të identifikojë asnjë nga dhjetëra të dyshuar, që mund të kenë qënë pjesë në grabitje.

Nga zhvillimet e fundit thuhet se analistët e vrasjeve spekulojnë se autorët e kanë lënë vendin.

Shqipëria, Bullgaria dhe Rumania konsiderohen tre vendet e mundshme për këtë dhe ka nisur një proces i shpejtë për identifikimin e të dyshuarve.

Një delegacion i autoriteteve në Greqi u takua me ambasadorin shqiptar në Greqi në mënyrë që të hapte një kanal informacioni dhe identifikimi të menjëhershëm dhe për të mos humbur kohë.

E njëjta gjë pritet të ndodhë në 24 orët e ardhshme me ambasadorët e Rumanisë dhe ato të Bullgarisë pasi raundi i parë i hetimeve ndaj autorëve në vend përfundoi pa sukses.

Përmendim faktin se ngjarja e rëndë ndodhi në Greqi para pak javësh. Tre persona, të cilët shkuan për të grabitur një shtëpi në Greqi, përfunduan duke vrarë një 20-vjeçare britanike, qenin e familjes dhe duke torturuar bashkëshortin e të resë.

E reja u gjet e vrarë, në papafingon e shtëpisë, pranë krevatit të fëmijës së saj 11 muajsh, teksa burri i saj 32 vjeç ishte i lidhur në një karrige në dhomën e gjumit.

Ishte ky i fundit ai që njoftoi Policinë duke i rënë telefonit me hundë, por bashkëshortja kishtë ndërruar jetë prej kohësh.

Pranë saj ndodhej edhe foshnja, që fatmirësisht është në gjendje të mirë.