Kri mi i dyfishtë në Librazhd/ U masakrua me sëpatë nga burri, dalin fotot e viktimës

Gruaja që shikoni në fotot e mëposhtme është Menturie Bici, 53-vjeçarja që u godit me sëpatë për vdekje nga bashkëshorti i saj dhe më pas ky i fundit u vetëvra.

Ngjarja tragjike që tronditi mbarë opinionin publik ndodhi në fshatin Dragostunjë të Librazhdit pasditen e djeshme. 56-vjeçari Qemal Bici, pasi goditi disa herë në trup dhe kokë me sëpatë gruan e tij, ndërmori një tjetëe akt ekstrem duke u vetëvarur në një pemë afër banesës.

Çifti Bici kishte katër fëmijë. Mësohet se në momentin kur ndodhi krimi, ata kanë qenë të vetëm në banesë. Mësohet po ashtu se autori i krimit dyshohet se ka qenë përdorues i rregullt alkooli, ndërsa  kohët e fundit vuante edhe nga depresioni.

Cifti kishte konflikte të herë pas hershme, ndërsa 56-vjeçari kishte kërcënuar gruan e tij se do ta vriste.

Ishte djali 20-vjeçar i familjes ai që pa të gjithë skenën makabre të asaj se çfarë kishte ndodhur në shtëpi.

Si fillim pa nënën të vdekur brenda në shtëpi, ndërsa jashtë banese babain të varur në një pemë.

Policia po vijon me dokumentimin e plotë të kësaj ngjarje të rëndë.