“Konfiskim i çdo luge dhe piruni që kanë në shtëpi politikanët!” Kadilli si Nishani: Veting për pasurinë dhe origjinën politike

Nga Kukësi, Kandidati në garën për kreun e Partisë Demokratike, Fatbardh Kadilli, komentoi  dhe mbështeti deklaratat e ish-presidentit Bujar Nishani për vetingun e politikanëve.

Kadilli theksoi se vetingu i politikanëve është i rëndësishëm si për pasurinë personale ashtu dhe për të shkëputur lidhjet e pushtetit me ish-funksionarë që i kanë shërbyer regjimit komunist.

“Çdo propozimi që synon të pastrojë figurën e çdo politikani është i mirëpritur nga ana ime, si për vetingun e pasurive ashtu edhe për origjiën politike nga vijnë, a kanë implikime me regjimin e shkuar komunist dhe me ngjarje të padëshirueshme. Kur dalin të kërkojnë mbështetje ashtu siç kam dalur unë ka të drejetën e zotit të thotë kush je ti zoti Kadilli. Unë do t’i them jam një njeri i persekutuar nga regjimi që kam ndërtuar të gjithë karrierën time me duart dhe fuqinë time dhe të familjes time. E gjithë pasuria ime është e ndërtuar nga unë dhe familja ime pa asnjë teprim nga dikush tjetër”, tha Kadilli.

Lexo edhe: http://fastnewseconomy.com/2021/06/ti-konfiskohet-pasuria-nuk-permbahet-bujar-nishani-cfare-jane-presidente-e-kryeministra-ti-merren-luge-e-pirunj/

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern