LIGJET E BIZNESIT
Gjykata e Prizrenit ka caktuar masën e paraburgimit për një muaj ndaj pesë të pandehurve. Bëhet fjalë për shtetasit me iniciale S.H., A.P., V.K. dhe F.K. dhe A.K. Ata dyshohet se kanë kryer veprën penale të keqtrajtimit gjatë ushtrimit të detyrës zyrtare.
Dyshimi në lidhje me këtë vepër është bazuar nga deklaratat e të dëmtuarëve, deklaratat e të pandehurve, raporti i oficerit, video-incizimet, kryesisht videot në Inspektoratin Policor.
Menjëherë pas këtyre dëshmive, Inspektorati Policor i Kosovës – Departamenti i hetimeve kishte paraqitur kallëzim penal kundër të pandehurve.
Ndërkohë, të shtunën Inspektorati Policor i Kosovës(IPK), bëri me dije se kishte pranuar një ankesë në lidhje me pretendimet e një qytetari për tejkalim të autorizimeve policore, gjatë përdorimit të forcës nga zyrtarët policorë në një incident që kishte ndodhur në korrik të një viti më parë në Prizren.
Hetuesit e IPK-së pas pranimit të rastit janë angazhuar maksimalisht duke ndërmarrë veprime hetimore lidhur me këtë rast në koordinim me Prokurorinë Themelore në Prizren të cilët kanë përfshirë marrjen e deklaratave nga dëshmitarët okularë si dhe sigurimin e disa audio incizimeve ditëve të fundit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Pas veprimeve hetimore, në konsultim me prokurorinë e Prizrenit, hetuesit e IPK-së kanë arrestuar sot pesë zyrtarë policorë që ishin të përfshirë si të dyshuar në këtë incident (një rreshteri dhe katër zyrtarëve policorë – që të gjithë punonjës në Njësinë Speciale Operative)”.
