Kamarierja ndjek me vrap klientët që nuk paguan faturën, ata e marrin peng në makinë (VIDEO) 

Pamje tepër të rënda të kamerave të sigurisë tregonin një ditë më parë momentet kur një kameriere u mor peng dhe u sulmua nga pesë të dyshuar që ajo po ndiqte pasi nuk paguan faturën e tyre prej 70 dollarë.

Incidenti u regjistrua në fundjavë në restorantin Nifty Fifty në Neë Jersey, ku tre burra e dy gra dolën nga restoranti pa paguar.

Pamjet e videove të sigurisë tregojnë mjaft qartë kamerieren 20-vjeçare, që vrapon prapa grupit duke i kërkuar paratë, para se ta tërheqin brenda makinës së tyre.

Një nga të dyshuarit dukej që vraponte ndërsa të tjerët u nisën me makinë bashkë me viktimën brenda saj. Policia ka publikuar videon duke apeluar për identifikimin e të dyshuarve.

Mjeti i tyre kishte hyrë në autostradë dhe më pas ishte kthyer drejt jugut, kur dhe kishin lënë jashtë pengun e tyre, thuhet në njoftimin e policisë.

E reja më pas arriti të kthehej në restorant dhe të thërriste policinë, pasi nuk kishte celularin me vete.