“Rreth 30 sekonda pas ndërhyrjes sonë, lojtari hapi sytë. Ishte moment emocionues, pasi në jetën e përditshme, raste të tilla rrallë përfundojnë me sukses. Unë i thashë se u kthye mes nesh dhe ai më tha: “Po, u ktheva. E mori dreqi, jam vetëm 29 vjeç”. Ky ishte dialogu që patëm”.
Kjo ishte ajo çfarë tha doktori gjerman Jens Kleinefeld, i cili ishte nga të parët që i shkoi në ndihmë fantazistit danez Christian Eriksen.
Eriksen vijon të jetë i shtruar në spital në Kopenhagen, ku do t’i nënshtrohet një operacioni për të vendosur një defibrilator kardiak automatik, aparaturë e nevojshme pas aritmisë që për pak i mori jetën.