Italiani ‘e djeg’ dasmën në Vlorë me çek fals! Denoncon hoteli: Akomodoi për një javë dasmorët

Një ngjarje e pazakontë ka ndodhur Vlorë, ku një italian pasi bëri dasmën, i ka bërë gjëmën një hoteli. Por si ndodhi?

Ai u martua me një shqiptare në një ceremoni të madhe dhe akomodoi për një javë dasmorët në hotel, e të gjitha këto  i pagoi me çek fals. Ngjarjen e ka bërë publike  vetë hoteli në Facebook.

“Italiani që shihni në foto u martua me një shtetase shqiptare. Deri këtu duhet e gjitha në rregull, përveç një detaji! Dhëndri iku pa paguar, në fakt pagoi me çek falso të gjithë dasmën dhe akomodimin e tij dhe miqve të tyre për një javë! Në kushtet që biznesi mezi pret sezonin të rimëkëmbet, një mashtrim i tillë na dëmton rëndë financiarisht!

Nëse ndokush e njeh, mirë është ta lajmëroj të bëhet i gjallë, ndryshe e sheh Shqipërinë nga google earth! Sigurisht që rastin do referohet në polici, sepse një mashtrim i tillë nuk mund dhe nuk duhet të mbetet i pandëshkuar. P.s i bën gjithë ceremoninë, i akomodohen një javë në hotel gjithë dasmorët…epo kjo është shumë”, thuhet në postimin e hotelit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern