LIGJET E BIZNESIT
Të gjithë mbetën të habitur kur një aktivist i Greenpeace hyri në ambientet e Allianz Arena në prag të nisjes së ndeshjes mes Francës dhe Gjermanisë, e vlefshme për kampionatin europian të futbollit.
Aktivisti hodhi në fushë një top ku kishte një parullë kundër një prej sponsorëve të kompeticionit, por papritmas humbi kontrollin e parashutës.
Gjatë uljes, disa pjesë të helikës shtytëse ranë mbi spektatorët duke lënduar disa tyre. Të paktën 2 persona u dërguan në spital me plagë të lehta në kokë. Madje dhe trajneri francez Deschamps shpëtoi për mrekulli nga një copë metalike.
“Ky akt i pakonsiderueshëm, i cili mund të kishte pasoja shumë të rënda për një numër të madh të njerëzve të pranishëm, shkaktoi dëmtime të disa njerëzve që morën pjesë në lojë, të cilët tani janë në spital dhe autoritetet e ligjit do të marrin masat e nevojshme. Përgatitja e ndeshjes për fat të mirë nuk u ndikua nga një veprim i tillë i pamatur dhe i rrezikshëm, por megjithatë disa njerëz u plagosën“, thuhet në një deklaratë të UEFA-s.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
