LIGJET E BIZNESIT
Ka dalë foto e parë e pilotit grek 32-vjeçar Babis Anagnostopoulos, i cili ndodhet në burg për krimin e rëndë që bëri duke i marrë jetën gruas së tij Caroline Crouch, vetëm 20 vjeç.
Ngjarja tronditëse ndodhi në lagjen Glyka Nera të Athinës.
Pamjet janë publikuar nga televizioni “Star” , ku shihet vrasësi pas telave me gjemba në Korydallos, në një nga oborret e institucionit, në krahun e 6 të burgut.
Mediat vendase shkruajnë se ai është është duke qëndruar pranë një tavoline. Ka veshur një pantallona të shkurtra blu dhe një bluzë gri, ndërsa ka vendosur duart në mes dhe flet me një të burgosur tjetër që rri përballë tij në një stol. Po ashtu mësohet se orët e fundit piloti 33-vjeçar ka filluar të flasë më shumë me të burgosurin, i cili akuzohet për trafik droge.
“Eshtë si të jesh në shtëpi” ishte fraza që përdori Star. Babis Anagnostopulos pati sot vizitën e parë në burgun e Korydallos, ku ai po mbahet në paraburgim. I riu vazhdoi rrëfimin e tij nga burgu: “Unë vajtoj për atë që ka ndodhur. Më vjen keq dhe falja ime është e vërtetë”, kështu mësohet të jetë shprehur ai. Babis Anagnostopulos, përmes avokatit të tij, duke u caktuar në paraburgim në të ashtuquajturin krah VIP në burgun Korydallos, dërgon, siç transmeton STAR, një mesazh, duke theksuar se gjithçka që ai dëshiron është që të bëhet më e mira për fëmijën e tij.
“Shkatërrova familjen time dhe humba gjithçka. Unë jam duke pritur për zhvillimin e procesit për të voglën. Gjithë sa dua vërtet është për të mirën për fëmijën tim. Më vjen keq dhe falja ime është e vërtetë”,-përfundoi rrëfimi i tij.
