Historike/ Ndodh për herë të parë, Kuvendi mbledh votat. Shkarkon presidentin Ilir Meta

Mazhoranca ka votuar shkarkimin e Ilir Metes si President i Republikës me 104 vota pro.

Gjithsej në votim morën pjesë 115 deputetë të pranishëm në sallë, nga të cilët shtatë u shprehën kundër dhe tre abstenuan.

Për herë të parë në 30 vite pluralizëm parlamenti shprehet me votë për shkarkimin e një presidenti në Shqipëri.

Tashmë verdiktin final në lidhje me çështjen do ta thotë Gjykata Kushtetuese. Më herët Kuvendi miratoi me 104 vota pro raportin e Komisionit Hetimor për shkarkimin e presidentit Ilir Meta.