“Hëngshin kokat e tyre”/ Basha reagon për masakrën në Velipojë: Shteti është gjunjëzuar para krimit

Pas presidentit Ilir Meta ka reaguar edhe Kryetari i Partisë Demokratike Lulzim Basha në lidhje me ngjarjen e rëndë në Velipojë, ku pas një përpjasje me armë për shezlongët, mbetën të vdekur katër persona.

Duke ju referuar një fotoje të kryeministrit Edi Rama në Facebook, që u fshi shumë shpejt,  Basha thotë se përgjegjësi për këtë situatë nuk e fsheh dot përgjegjësinë e tij, por vetëm rikonfirmon gjunjëzimin e shtetit para krimit.

‘Kur policia reduktohet në vegël të regjimit për të mbrojtur pushtetin dhe lidhjet me krimin, kur përgjigja e vetme sa herë përgjaken qytetet tona është “hëngshin kokat e tyre”, jeta e qytetarëve, fëmijëve dhe familjeve shqiptare është në rrezik.

Me postimin cinik si i sotmi pas masakrës së Velipojës, përgjegjësi për këtë situatë nuk e fsheh dot përgjegjësinë e tij, por vetëm rikonfirmon gjunjëzimin e shtetit para krimit të bërë njësh me pushtetin e tij të korruptuar deri ne palcë.’- shkruan Basha.