Greqi/ Përd hunohet pastruesja shqiptare, i ikën nga duart bullgarit pas 9 orësh

Një pastruese shqiptare, rreth 50-vjeçe ka përjetuar 9 orë makthi pasi u përdhunua nga një shtetas bullgar në Petralona të Greqisë.

Ngjarja e rëndë u regjistrua pasditen e së shtunës, kur gruaja kishte shkuar për të pastruar në një pallat dhe 37-vjeçari e futi me dhunë në banesë, dhe e sulmoi atë duke abuzuar seksualisht.

50-vjeçarja u mbajt e mbyllur në një dhomë që prej orës 8:00 e mëngjesit të së shtunës, deri në orën 17:00.

Mediat e huaja shkruajnë se shqiptarja ia doli të shpëtonte nga duart e tij nga ballkoni duke kaluar në banesën tjetër dhe filloi të kërkonte për ndihmë. Banorët e tjerë e ndihmuan duke telefonuar menjëherë policinë, por autori arriti t’ia mbathte.

Në lidhje me këtë ngjarje të rëndë, banorët e zonës kanë dalë në rrugë duke bërtitur me parulla për mbrojtjen e grave që bien pre e abuzimit seksual.