LIGJET E BIZNESIT
Mbrëmjen e djeshme skuadra e Portugalisë u eleminua nga Kampionati Europian, duke mbyllur kështu zyrtarisht sezonin e Cristiano Ronaldos.
Duhet thënë se kjo fazë nuk ishte aspak e mirë në planin e trofeve, teksa në atë individual nuk kanë munguar golat dhe rekordet.
Në fushë pas takimit u pa një Ronaldo shumë i zhgënjyer dhe që Lukaku nuk nguroi ta përqafonte e ta inkurajonte por gjithsesi kamerat nuk kanë lënë pa kapur disa momente që po bëjnë xhiron e rrjetit dhe që ka indinjuar të gjithë tifozët portugezë e jo vetëm.
Bëhet fjalë pas vërshëllimës finale kur lojtarët po i drejtoheshin dhomave të zhveshjes dhe Ronaldo që e kishte hedhur në fund të ndeshjes shiritin e kapitenit e merr sërish por ndërkohë i nervozuar duke ecur e hedh atë sërish. Nuk ndalet me kaq pasi lojtari e gjuan me këmbë shiritin dhe një pjesëtar i stafit e merr dhe i flet sulmuesit i cili dy herë me lëvizje dore i kthehet aspak në mënyrë të qetë.
Imazhet duken qartë dhe janë shumë surprizuese sidomos për tifozët portugezë dhe në mediat vendase nuk është pritur aspak mirë teksa zhgënjimi i lojtarit është në planin personal pasi edhe këtë vit e shikon veten larg Topit të Artë.
Kujtojmë që është hera e dytë që Ronaldo e bën diçka të tillë pasi e hodhi shiritin edhe në ndeshjet eliminatore ndaj Serbisë në fund të ndeshjes për një gol të anuluar padrejtësisht nga arbitri.
