Gjendet i pajetë një 29-vjeçar në Shkodër, dyshohet se ka vdekur para disa ditësh

Një 29-vjeçar është gjetur pa shenja jete në një banesë të pabanuar në Shkodër.

Në njoftimin e saj, policia njofton se shtetasi me iniciale A.D, dyshohet se ka humbur jetën para disa ditësh për shkak të përdorimit të drogës.

NJOFTIMI NGA POLICIA

Shkodër/Informacion paraprak

Më datë 13.06.2021,  rreth orës 20:20, në një banesë dykatëshe të pabanuar  në lagjen “Ahmet Haxhija”, Shkodër, është gjetur pa shenja jete  shtetasi A. D. 29 vjeç.

Nga veprimet e para hetimore të kryera nga grupi hetimor nën drejtimin e Prokurorisë, dyshohet se ky shtetas ka humbur jetën disa ditë më parë si pasojë  e perdorimit të tepërt të lëndëve narkotike.

Vijon puna për sqarimin e  plotë të rrethanave të ngjarjes.