LIGJET E BIZNESIT
Të tjera detaje dalin në dritë në lidhje me ngjarjen e rëndë të ndodhur në Velipojë, ku mbetën të vrarë 4 persona dhe u plagosën dy të tjerë pas sherrit për shezlongët.
Viktima më e pafajshme e kësaj ngjarje padyshim që është 20-vjeçari Musein Zeneli sapo kishte nisur punë në hotelin e familjes Gocaj.
Ai mbeti i vrarë nga shkëmbimi i zjarrit. Në fakt, 20-vjeçari duhet të fillonte punë të dielën në mëngjes, por kishte shkuar në punë një ditë më parë nga gëzimi që më në fund ishte punësuar.
“Përsa i takon Museinit që është viktima më e pafajshme e kësaj ngjarje, duhet thënë që ai e kishte për të filluar punë ditën e dielë. Megjithatë, nga mbrëmja e maturës që ka patur ditën e premte, ai ka nxituar të shkonte në punë një ditë më parë dhe pikërisht ndoshta ky nxitim dhe kjo ironi fatale i ka kushtuar dhe jetën.
Nga mbrëmja e maturës që e ka patur ditën e premte, në mëngjes është nisur, ndoshta dhe pa pushuar, shumë i lumtur i kishte thënë të ëmës që kishte gjetur më në fund një punë”, ka deklaruar gazetarja Emi Kalaja.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
