Mbrëmjen e sotme “Euro 2020” do të mbërthejë para ekranit dashamirësit e sportit duke garantuar një spektakël të vërtetë.
Në kampionatin më të rëndësishëm të futbollit, do të mbyllen ndeshjet e para të grupit të fundit.
Ndeshja e parë është ajo mes Hungarisë dhe Portugalisë, ku do të shohim në fushë Cristiano Ronaldon dhe surprizat që ka rezervuar ai.
Më pas, mbrëmja do të jetë një sfidë që të gjithë e kemi pritur. Franca dhe Gjermania do të përballen me njëra-tjetrën, dhe normalisht synimi i të dyja skuadrave është vendi i parë.