Forca të shumta policie në Shëngjin/ 39-vjeçari i vdekur prej disa ditësh në banesë 

Forca të shumta policie ndodhen në Shëngjin pasi u gjet i vdekur në banesë shtetasi Eduart Nikshini, i cili dyshohet se ka ndërruar jetë para disa ditësh.

Policia dyshon paraprakisht se 39-vjeçari me shtetësi ruse ndërroi jetë për shkak të përdorimit të substancave narkotike dhe pijeve të shumta alkoolike.

Një nga fqinjet e tij, deklaroi për mediat se e ka të pamundur të hyjë në banesë për shkak të erës së rëndë.

“Ndjenim aromë të keqe, por menduam se ishte prej plehrave”, tha fqinja.

Përpos kësaj, policia nuk ka mundur të lëvizë trupin e tij drejt morgut pasi nuk kanë mjetet e nevojshme për transportimin e kufomave të dekompozuara.