LIGJET E BIZNESIT
Kandidati për kryetar partie i Partisë Demokratike, Fatbardh Kadilli që në zgjedhjet e 13 qershorit siguroi rreth 800 vota, kur doli sot në konferencë për shtyp nuk e vuri në pikëpyetje fitoren e Lulzim Bashës, dhe pse akuzoi se pati parregullsi në votime.
“Unë kam qenë i qartë për këtë pabarazi, por kjo nuk më tremb. Në një garë nuk ka barazi absolute. Manifesti im politik është platforma më e plotë dhe gjithëpërfshirëse që politika shqiptare ka parë në këto 30 vjet”.
Mirëpo, një ditë më parë Sali Berisha teksa votohej për kryetarin e ri, shkoi në zyrën e Bashës në një takim mbi dy orësh. Sa i përket këtij takimi Kadilli e quajti një “gabim të qëllimtë”.
“Nëse nuk kanë qenë vetëm, nuk ka asgjë për të thënë. Nëse kanë qenë vetëm për vetëm, është një vendim i pakujdesshëm, por Berisha nuk bën gabime të tilla; është një gabim i qëllimtë. Por unë kam dëgjuar edhe variantin tjetër, që ata kanë qenë nën shoqërinë e njerëzve të tjerë”, u shpreh ai.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
