Familja nuk kishte para të varroste 20-vjeçarin, Capital T ofrohet menjëherë për ndihmë

Shqipëria u trondit mëngjesin e sotëm nga një shkëmbim zjarri në Velipojë, ku për pasojë mbetën të vrarë katër persona. Gjithashtu, nga të shtënat me armë, mbetën të plagosur edhe dy persona të tjerë.

Mes viktimave ishte një 20-vjeçar i cili nuk kishte aspak lidhje me konfliktin mes pronarëve të hotel “Fantazia” dhe të hotel “Gocaj”. Ai ndodhej në vendngjarje  për shkak se kishte vetëm një ditë që kishte filluar punë në biznesin e një prej viktimave.

Fatkeqësisht, dita e parë e punës do të ishte dita e fundit jetës së tij.

Zeneli jetonte me të ëmën në gjendje të vështirë ekonomike. Për t’i ardhur në ndihmë familjes së djalit, reperi Capital T është ofruar të paguajë shpenzimet për funeralin e të ndjerit pasi nëna e tij nuk do të mund të përballonte koston e shpenzimeve.

“Unë jam gati t`i kryej të gjitha ritualet nëse ka nevojë vetëm të më shkruaj dikush nga familjarët në mesazhe”, shprehet Capital T.   

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern