Fadromat gërmojnë për naftë, banorët në protestë: Po na shembin rrugën, jemi me karbon në gjak

Banorët e fshatit Visokë, kanë dalë në protestë për shkak të dëmtimit që i është bërë rrugës nga mjetet e tonazhit të rëndë që shkojnë për të kërkuar naftë.

“Jemi ngritur në protestë se rrugën që e ka bërë pipino, na i shkatërruan fare këta. Kemi dalë me karbon të tërë në gjak. Na helmuan me lloj lloj gjërash që bëjnë këtu. Jam ënjtur, njeri masa nuk merr”- tha një banor për Fax News

Si pasojë e punimve për hapjen e puseve të naftës, ka pasur edhe rrëshkitje të varrezave.

Kemi disa probleme, është një kompani nafte, ajo kryen punimet e saja, po ka dëmtuar varrezat, i ka shkulur, edhe rrugën e ka dëmtuar. Ky fshat ka rreth 1500 banorë. Edhe gazi i dëmton shumë, prodhimet tona dhe ne nuk fitojmë asgjë, ky është realiteti”- u shprehën banorët.