Elbasan/ Makinat përplasen ‘kokë më kokë’, lëndohet një prej drejtuesve

Një aksident ka ndodhur mbrëmjen e sotme në Elbasan, në Unazën Jugore ku dy automjete, janë përplasur “kokë më kokë”.

Automjetet janë shkatërruar pjesërisht, por fatmirësisht pa pasoja për jetën e drejtuesve dhe personave të tjerë që ndodheshin në këto automjete.

Në aksident dëmtime të lehta ka pësuar dhe drejtuesja e njërit prej mjeteve të përfshira në aksident, raporton BW. Paraprakisht dyshohet se aksidenti ka ardhur për shkak të shkeljes së rregullave të qarkullimit nga të dy drejtuesit e automjeteve.