Dy persona kanë rënë në prangat e policisë sot në lidhje me ekzekutimin e dy vëllezërve Besmir dhe Viktor Haxhia, ngjarje kjo e ndodhur në prill të 2020 në Durrës.
Mësohet se të arrestuarit janë Besian Xhixha dhe Enver Diva.
Ata dyshohet se kanë lidhje apo bashkëpunuar me autorët e ngjarjes pasi policia ka gjetur prova të përfshirjes së tyre në vrasjen e bujshme.
Deri më sot për këtë krim janë arrestuar Klevis Alla dhe Altin Ndoci. Më 27 prill Besmir e Viktor Haxhia u ekzekutuan në Durrës me breshëri plumbash. Ata kishin një seri biznesesh teksa dyshohet se kishin lidhje edhe me grabitjen e Rinasit ku u vodhën 4.6 milion euro.
Vrasja e vëllezërve Haxhia mund të jetë porositur nga grupi kriminal i grabitjes së Rinasit i cili po kërkonte paratë e vjedhura në Rinas. Në kërkim për këtë ngjarje është dhe Talo Çela, emër mjaft i njohur në Elbasan.