E paditi Shkëlzen Berisha, gjykata merr vendimin për Taulant Ballën

Ditën e sotme gjykata e Tiranës ka shqyrtuar padinë e djalit të ish-kryeministrit Sali Berisha, Shkëlzenit, ndaj numrit 2 të Partisë Socialiste Taulant Balla.

Shkëlzen Berisha i është drejtuar gjykatës së Tiranës me një kërkesë padi, ku e akuzon Ballën për shpifje.

Djali i ish-kryeministrit kërkon ndaj të paditurit të dëmshpërblejë dëmin jo pasuror të shkaktuar paditësit nga deklarata e tij shpifëse dhe fyese, thuhet në kërkesë padi.

Aii referohet disa postimeve në Facebook bërë nga socialisti Balla, si edhe një fjalimi të tij në foltoren e Kuvendit. Lidhur me këto deklarata, për të cilat Berisha pretendon se janë shpifje në adresë të tij, ai kërkon dëmshpërblimin prej 3 milionë lekësh, si edhe përgënjeshtrimin e deklaratave.

Trupi gjykues vendosi që çështja të shqyrtohet më 14 shtator ora 14:00, ndërsa për djalin e ish kryeministrit, gjykata caktoi ekspertë psikologë për të intervistuar Shkëlzen Berishën, lidhur me dëmet psikologjike të shkaktuara nga këto deklarata.