Rreth 30 persona, shumica e të cilëve punëtorë minierash, ndërruan jetë të premten kur autobusi që i transportonte doli nga rruga dhe ra në greminë, në jug të Perusë .
Në një deklaratë, përfaqësuesja e minierës u shpreh: “Për fat të keq, ne jemi duke vajtuar vdekjen e 27 punëtorëve tanë pasi, autobusi ra në greminë”.
Ajo shtoi më tej duke thënë se 16 të tjerë u plagosën . Midis personave që ndërruan jetë ishte edhe shoferi i autobuzit.
“Kjo është një zonë shumë e rrezikshme“, u shpreh prokurori Johnny Romero, duke shtuar se shkaku i aksidentit mund të ketë qenë, se shoferin mund ta ketë zënë gjumi në timon.
“Vëllai im u hodh nga dritarja dhe ra mbi gurë. Ai është plagosur rëndë, nuk është në gjendje të lëvizë trupin e tij, ai do të dërgohet në Lima”, tha për mediat Adriana Cruz Taipe, motra e njërit prej viktimave.