“Do lejohet të udhëtojnë vetëm…” Ky shtet në Europë konfirmon hapjen e pjesshme të kufijve për shqiptarët

Një tjetër shtet në Europë vendosi hapjen e kufijve me Shqipërinë, por në mënyrë të pjesshme.

Lajmin e dha vetë ambasada franceze me anë të një mesazhi në rrjetet sociale.

Duke e konsideruar vendin tonë si zonë “të gjelbër”, kufizimet e udhëtimeve do të hiqen duke nisur nga data 24 qershor.

Drejt Francës do të udhëtojnë personat që kanë kryer një vaksinë të certifikuar nga Agjencia Europiane e Barnave (EMA).

Pra, qytetarët shqiptarë që kanë marrë vaksinën ruse ose kineze, nuk do të mund të udhëtojnë në Francë pasi nuk janë certifikuar nga EMA.

Gjithashtu, qytetarët duhet të paraqesin një tampon negative të bërë në më pak se 72 orë përpara udhëtimit.

“Shqipëria klasifikohet si një zonë “e gjelbër”. Që nga 24 qershori 2021, kufizimet shëndetësore të lëvizjes midis Francës dhe Shqipërisë janë hequr pjesërisht” – njofton ambasada.