“Do bëjmë ç’është e mundur” Pas dënimit të Llallës, Rama jep mesazhin e fortë në ‘France 24’

Dy ditë më parë kryeministri Edi Rama ka dhënë një intervistë për televizionin “France 24” me gazetaren Caroline de Camaret.

Ndër të tjera ai u pyet në lidhje me dënimin e ish-kryeprokurorit Adriatik Llalla.

Pjesë nga intervista

Gazetarja: Së fundmi pati edhe dënimin me 2 vjet burg të ish-prokurorit Adriatik Llalla. Sa ka avancuar Shqipëria me reformat kundër korrupsionit dhe krimit të organizuar të cilat janë një kusht i rëndësishëm i Brukselit për hapjen e negociatave?

Rama: Jemi në një betejë për të reformuar sistemin e drejtësisë. Korrupsioni i lartë ka qenë një pengesë e deritanishme për mos hapjen e negociatave të Shqipërisë me Bashkimin Evropian. Shqipëria ka bërë përpjekje të mëdha me reformat në drejtësi dhe në luftën kundër korrupsionit, por ende kemi shumë punë përpara për të arritur standardin e vendeve anëtare të Bashkimit Evropian Do të bëjmë ç’është e mundur duke luftuar korrupsionin sidomos në sistemin e drejtësisë dhe do të shfrytëzojmë çdo mundësi për të përmbushur kushtet e vendosura për t’u bërë anëtarë të Bashkimit Evropian.