Ditan Leli “merr çelësat” e Teatrit dhe largohet në Itali, këshilltarët nxjerrin karriget dhe zhvillojnë takimin në oborr

Kryebashkiaku i Vlorës Dritan Leli refuzon të përballet në një mbledhje me prani fizike me këshilltarët bashkiakë dhe nuk hap Teatrin “Petro Marko” për të zhvilluar një takim me ta. Ditën e sotme, Leli është nisur për në Itali, ndërkohë që këshilltarët kishin caktuar takim me të.

Prej disa ditësh kryebashkiaku Leli refuzon të përballet me anëtarët e Këshillit të cilët duan t’i bëjnë gjyqin për punët e lëna pas dore në Vlorë, teksa kërkon që të diskutojnë online pasi rregullat e pandemisë së koronavirusit nuk lejojnë grumbullimet.

Një javë më parë, këshilltarët caktuan datën 30 qershor për t’u ballafaquar me kryetarin Dritan Leli. Mirëpo, ky i fundit pak pas vendimit të anëtarëve të Këshillit, lajmëroi se kishte vendosur që mbledhja të mbahej online në 29 qershor. Mbledhja e thirrur nga kryebashkiaku Leli një ditë më parë dështoi, pasi asnjë këshilltar nuk mori pjesë.

Ndërkohë, ditën e sotme Këshilltarët Bashkiakë janë mbledhur para Teatrit “Petro Marko” dhe po “kuvendojnë”. Nga ana tjetër,  Leli “ka marrë çelësat” e Teatrit dhe ndodhet sot në Itali.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern