Dhimbje pa fund/ Ndahet nga jeta gazetari dhe publicisti i njohur shqiptar

Ndërron jetë në moshën 91-vjeçare një emër i njohur i gazetarisë dhe publicistikës shqiptare.

Ymer Minxhozi është autor i më shumë se 20 librave me ese, satirë, shënime udhëtime dhe kujtime. Pasi ka mbaruar studimet në Moskë për gazetari në vitet ’50, ai ka qenë korrespondent i shtypit shqiptar në Kinë dhe vendet e Azisë Juglindore. Më pas ka drejtuar gjatë jetës së tij për shumë vite revistën “Shqipëria e Re”.

Ymer Minxhozi ka përfaqësuar vendin tonë në shumë kontakte diplomatike, kulturore e bisedime me vendet fqinje dhe ato evropiane.

Gazetari Minxhozi ka qenë prezent me shkrimet e tij edhe pas viteve ’90, kohë gjatë të cilës ka botuar vëllimet “Borë e zezë”, “Shansi i humbur”, “Era e mykut”, “Ditari i tre kontinenteve” etj.