Çudira në doganë/ Policia greke: Shqiptarët të kalojnë në këmbë, autobuzët nuk lejohen

Drejtoria e Policisë Kufitare greke ka dhënë të tjëra detaje në lidhje me hapjen e kufirit, që prej ditës së djeshme 19 qershor 2021.

Në njoftim bëhet e ditur se “Aeroporti i Athinës Elefterios Venizelos, pika kufitare e Kakavijës dhe Qafë Bota funksionojnë normalisht për turistët shqiptarë, me kuota përkatëse 1500 dhe 250 persona në ditë”.

Një vendim mjaft i çuditshëm është fakti se autobusët e linjave shqiptare nuk do të lejohen të kalojnë, pasi dogana deklaron se nuk ka marrë ende urdhërin për hapjen e kufirit, ndonëse është publikuar që në datën 19 në media.

Sipas njoftimit të Drejtorisë së Policisë Kufitare Udhëtarët mund të kalojnë kufirin vetëm në këmbë, me makinat e tyre dhe me autobusët e linjave të brendshme greke.

Ndërsa porti i Sarandës mbetet i mbyllur për të gjitha  anijet e linjave me Greqinë, ndërsa Kapshtica përpunon vetëm 400 punëtorë sezonalë.

Këto masa do të jenë deri në datën 28 qershor, kur pritet të lehtësohen edhe më tej.