LIGJET E BIZNESIT
Presidenti Ilir Meta vazhdon të shpërndajë mesazhe’ të koduara’ pasi parlamenti sot vulosi shkarkimin e tij, megjithëse fjala e fundit i takon Gjykatës Kushtuese.
Në fund të gjithë ditës së trazuar politike, Meta ka vendosur të përshendesë me “Himnin e Djelmnisë Dibrane”, ku thekson se në “çdo hymn, këngë, elegji dhe rapsodi, në vallet, në lojrat e larmishme dhe në kostumet popullore të Dibrës gjendet një thesar unik dhe i jashtëzakonshëm kulturor, ngjyrat e jetës dhe bukuritë natyrore të kësaj treve, me shpirt atdhetar dhe artistik të fuqishëm”.
Kujtojmë se presidenti vetë, nuk ka bërë asnjë reagim për shkarkimin, ndërsa vetëm zëdhënësi i tij reagoi menjëherë pas votimit.
Postimi i Metës:
Në çdo hymn, këngë, elegji dhe rapsodi, në vallet, në lojrat e larmishme dhe në kostumet popullore të Dibrës gjendet një thesar unik dhe i jashtëzakonshëm kulturor, ngjyrat e jetës dhe bukuritë natyrore të kësaj treve, me shpirt atdhetar dhe artistik të fuqishëm.
Nuk mund të mos ndaj me të gjithë ju, kënaqësinë që përjetova sot, prezantimin për herë të parë dhe pikërisht në Institucionin e Presidentit të Republikës, të një krijimi artistik tepër të arrirë, “Hymni i Djelmnis Dibrane”, të interpretuar mjeshtërisht nga dy prej korifejve të këngës shqiptare, Kastriot Tusha dhe Arif Vladi, që prezanton denjësisht gjithçka Dibra simbolizon për kombin shqiptar.
Duke ju uruar një natë të qetë ju ftoj ta shijoni këtë këngë kaq të bukur! ??
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
