Çfarë po ndodh? Vendi më i suksesshëm në botë në luftën ndaj pandemisë merr vendimin e papritur

Pak ditë pas vendimit për të hequr maskat dhe në ambientet e brendshme, Izraeli ka bërë sërish hapa prapa.

Tashmë autoritetet në shtetin që luftoi në mënyrë shembullore k oronavirusin, kërkon sërish që mbajtja e maskës në ambientet e mbyllura të bëhet e detyrueshme.

Shqetësimi tek ekspertët dhe qytetarët është rritur, pasi vendi regjistroi më shumë se 100 raste të reja ditore me covid në ditë.

Në fillim të këtij muaji, në Izrael nuk pati asnjë të infektuar ditor.

Shumica e rasteve kanë qenë të lidhura me variantin Delta nga jashtë.

Kujtojmë se Izraeli ka qenë një nga vendet më të suksesshme në botë në trajtimin e pandemisë.

Ai zbatoi programin më të shpejtë të vaksinimit, nën të cilin mbi gjysma e popullsisë prej 9.3 milionë është imunizuar pjesërisht ose plotësisht.

Izraeli gjithashtu ka shtyrë rihapjen e vendit për turistët e vaksinuar me një muaj.