Pas plagosjes së biznesmenit Spiro Iljadhi, pronar i lokalit “Orange”, FNSH ka zbarkuar në qytetin e Sarandës.
Në lidhje me plagosjen e ndodhur rreth orës 03:50 të mëngjesit të sotëm, policia ka shpallur në kërkim tre autorët e dyshuar dhe po punohet intensivisht për kapjen e tyre.
Ata janë shtetasit: Andrea Çaushi 35 vjeç, Visi Çaushi 33 vjeç (vëllezër) dhe Redjan 33 vjeç, të tre banues në Tepelenë.
FNSH ka ngritur pika kontrolli në rrugën Turizëm-Kanali i Çukës ku po kryhen kontrolle në automjete për të evidentuar persona me precedentë penal që mund të lëvizin të armatosur.
Biznesmeni 35-vjeçar u qëllua jashtë biznesit të tij dhe u transportua në gjendje të rëndë drejt Traumës si pasojë e plagëve të marra në bark.
I lënduar ka mbetur gjithashtu dhe një kalimtar i rastit, Mario Jani, me shtetësi shqiptaro-amerikane. 33-vjeçari rezulton banues në Tiranë dhe ndodhej në Sarandë për pushime.