LIGJET E BIZNESIT
Gjatë një konference për shtyp, kryeministri Edi Rama me homologun bullgar, foli për zgjidhjen e konfliktit mes Bullgarisë dhe Maqedonisë së Veriut, si arsyeja kryesore që mban pezull negociatat, edhe për Shqipërinë.
Rama iu bëri thirrje të dyjave palëve që të bisedojnë, të flasin dhe të gjejnë zgjidhje dhe ofroi dhe ndihmën e qeverisë shqiptare në zgjidhjen e ngërçit.
“E di që në Bullgari ka një qeveri kujdestare. Keni zgjedhje të reja. Këto janë tema, që ndonjëherë kanë prirjen të shkojnë nga mendja në stomak e më pas bëhen më të vështira, por mendoj se Bullgaria si anëtare e BE është e pjekur dhe ka gjithçka. I nevojitet për të kujtuar veten, kur gjendej në të njëjtën pozitë. Të nxitë së bashku me Maqedoninë e Veriut për të dalë nga kjo situatë. Kjo është qasja ime për këtë. Do të thoja që qëndrimi ynë si Shqipëri është qëndrim për të cilin askush nuk duhet të na ketë zili.
Jemi mbërthyer, gjendemi mes dy miqve, por gjërat janë këto që janë dhe procesi është i ndërtuar në një mënyrë të tillë, që duhet respektuar ashtu siç është. Nuk jemi këtu për të mbajtur anë, jemi thjesht duke shpresuar e mbështetur faktin që të dyja të flasin e të flasin dhe ta zgjidhin mes tyre. Nëse është nevoja, jemi gati të ndihmojmë, por ndihma jonë është thjesht të vazhdojmë t’iu themi ‘ju lumtë flisni, komunikoni, gjeni një mënyrë’. BE po bën një përpjekje të jashtëzakonshme, të gjithë po përpiqen të mbështesin, por në fund iu takon bullgarëve dhe Maqedonisë së Veriut. Për më shumë, ju takon vetja, nuk kam ç’ju duhem unë”, u shpreh kryeministri.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
