“Bëni dhe pak qejf” Rama ua thotë ‘troç’ të rinjve: Jeta nuk është vetëm punë dhe shkollë

Ditën e sotme kryeministri Edi Rama ka mbajtur takimin e rradhës me të rinjtë që janë jashtë Shqipërisë dhe duan të rikthehen në atdhe për të punuar.

Në fjalën e tij, kreu i qeverisë shprehu gatishmërinë se të rinjtë që duan të kontribuojnë në vendin tonë, do të lidhen direkt me ministrat.

“Më vjen mirë që kemi një numër shumë më të madh se çfarë e prisja, njerëzish si ju që kanë interes për të kontribuar dhe kanë kurajon për ta bërë këtë gjë në sensin që nuk ia lënë fjalës se atje s’të përfill njeri, s’të hap derën njeri, pavarësisht se kjo mund të jetë e vërtetë në raste të caktuara sepse për fat të keq ndodhin dhe këto”, tha Rama, në sesionin e gjashtë të takimit me të rinjtë.

Në fund, kreu i qeverisë pati dhe një këshillë për të rinjtë që jetojnë jashtë: “të bëjnë pak qejf”.

“Ju uroj çdo të mirë, mos harroni të bëni pak qejf se nuk është vetëm punë dhe shkollë jeta. Të merreni me familjen dhe atë që u do zemra”, përmbylli kryeministri.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern